Grabitja në Dukagjin, policia: Kanë qëlluar me armë mbi gomën e parë të mjetit

Tre persona të armatosur dhe të maskuar grabitën një mjet të tip “Land Rover” në rrugën e Dukagjinit, fashati Kir ditën e djeshme.

Sipas njoftimit të policisë pasi grabitësit i bënë shenjë shoferit të ndalonte, kanë qëlluar me armë mbi gomën e parë të mjetit.

Më pas kanë urdhëruar 7 personat që ndodheshin në mjet të zbrisnin, të linin telefonat e të largoheshin. Drejtuesit të mjetit i morën edhe portofolin. Mbi personat e grabitur mësohet se nuk është ushtruar dhunë fizike ndërkohë që mjeti u gjend i djegur.

DETAJE:

Forcat e policisë ka kanë shoqëruar disa persona në lidhje me ngjarjen dhe po punohet intensivisht për identifikimin dhe kapjen e autorëve. Deklarata e policisë Shkodër. Në datë 23.11.2017, rreth orës 14:15, Policia u njoftua se në rrugën e Dukagjinit, në fshatin Kir, 3 persona të armatosur dhe me maska grabiten një mjet tip ‘Land Rover’ me targa AA285DG, me drejtues shtetasin P.K. Pasi i bënë shenjë shoferit të ndalonte, kanë qëlluar me armë mbi gomën e parë të mjetit. Më pas kanë urdhëruar 7 personat që ndodheshin në mjet të zbrisnin, të linin telefonat e të largoheshin. Drejtuesit të mjetit i morën edhe portofolin. Nuk është ushtruar dhunë fizike ndaj tyre. Mjeti u gjet i djegur. Policia ka shoqëruar disa persona ne lidhje me ngjarjen dhe po punon intensivisht për identifikimin, dokumentinimin ligjor dhe kapjen e autorëve. Materialet hetimore u referuan në Prokurorinë e Rrethit Gjyqësor Shkodër për veprat penale “Vjedhje me armë e kryer në bashkëpunim”, “Shkatërrim prone me zjarr” dhe “Mbajtje pa leje i armëve dhe municioneve luftarake”.

(M/Q/Faxweb)