Nuk kanë të sosura çudirat në vendin tonë. Pas grabitjes që i është bërë banesës dje në fshatin Iljaz të Himarës, Policia ka gjetur një shënim në parmazin e derës së banesës.
“Ta hapëm shtëpinë për çelësin e portës, nuk morëm gjë. Donim gomonen të bëhemi me lekë”, kanë shkruar grabitësit në parmakun e shtëpisë.
Dhe vërtet që gjëja më me vlerë që është gfjetur në banesë është pikërisht skafi, që familjarët dyshojnë se do të përdoret për trafikun e drogës.
Ngjarja e ndodhur dje:
Persona të pa identifikuar kanë hapur derën e jashtme të banesës dhe pasi e kanë bastisur atë, janë larguar nga shtëpia me mjetin ujor.
Banesa është në pronësi të arsimtares Loreta Baxhaku dhe bashkëshortit të saj. Konstatimin e vjedhjes së banesës e ka bërë babai i arsimtares kur ka shkuar në mëngjes dhe ka gjetur derën të hapur.
(E.K/Faxweb)
Discussion about this post