Grabitja në mes të fejesës, rrëfen kryefamiljari: Ç’ndodhi në banesë gjatë natës

Detaje të reja janë zbuluar lidhur me grabitjen e shënuar rreth dy orë pas mesnatës së djeshme në fsahtin Kamenicë të Korçës.

Kryefamiljari i banesës që ra pre e grabitjes, N. Bezati ka rrëfyer konkretisht se çka ndodhur gjatë natës dhe kush ka qenë në banesë.

Ai shprehet se gjatë kohës që ndodhi grabitja, nuk kanë qenë në shtëpi pasi ishin duke festuar fejesën e djalit dhe për të ruajtur banesën kishin lënë dy shokë të djemve, të cilët u dhunuan nga grabitësit.

53-vjeçari bën apel që të zbulohen autorët e këtij krimi dhe të vihen përpara përgjegjësisë.

“Kisha fejesën e djalit dje dhe të gjithë ishim në festë. Në banesë ndodheshin dy shokë të djemve për të ruajtur banesën. Dy persona, njëri me kalllash dhe tjetri me levë ishin futur në banesë, kishin lidhur dhe dhunuar djemtë. Kishin marrë lekët në kasafortë dhe ishin larguar. Nuk më interesojnë lekët por veprimi dhe dhuna ndaj familjes sime. Apel të kapen sa më parë autorët.”

(XH.A/SHUPLAKA)