Grabitja në Qafë-Kashar, asnjë nga pesë të arrestuarit nuk ka marrë pjesë direkt

Sa më shumë detaje dalin në dritë, aq më e errët bëhet e vërteta mbi grabitjen e 3.2 milionë dollarëve në Qafë-Kashar.

Sipas Tv Klan, asnjë prej 5 personave të arrestuar deri në këto momente, nuk ka qenë pjesë e grupit që ka goditur autoblindat me para.

Sipas të dhënave, pesë të arrestuarit kanë qenë ata persona që dhanë informacionin dhe vëzhguan blindat dhe ndërlidhësit me pjesën tjetër të grupit. Por nuk kanë qenë të pranishëm në vendngjarje.

Mendohet se Fation Xhyliu dhe Ditjon Memlika kanë dhënë informacion për lëvizjen e shumave të mëdha nga banka duke qenë se punonin në policinë private. Ndërkohë, ish- komandoja Neim Avdulaj pasi ka marrë informacion për lëvizjen e parave, ka lajmëruar me mesazh në celular Admir Çerpjen. Ndërsa ky i fundit ka komunikuar me të tjerë persona, të cilët ende nuk janë identifikuar.

Deri më tani dyshohet se vetëm Ernest Kupa mund të ketë marrë pjesë në direkt në grabitjen e parave, por edhe ky e ka mohuar një gjë të tillë. Në kërkim është shpallur edhe Admir Murataj, i cili konsiderohet edhe si “koka” e bandës dhe njëlloj si Kupa, dushohet të ketë marrë pjesë direkt në grabitje. (D.D/Shuplaka)