Grabitja në Rinas/ Balluku i kthehet koncensionarit kinez “Boll më! Na duket sikur po zbresim në Pekin!”

Ministrja e Infrastrukturës Belina Balluku ka mbajtur një konferencë nga Rinasi, pas grabitjes spektakolare në aeroport. Balluku në fjalën e saj i është referuar me një gjuhë të ashpër konçensionarit kinez duke u shprehur se ky i fundit nuk i ka përmbushur kushtet e sigurisë së pasagjerëve.

Balluku është shprehur se mungesa e seriozitetit të kompanisë i ka kushtuar vendit imazhin turistik. Ndër të tjera ministrja ka deklaruar se:

“Detyrat që ia janë dhënë konçensionarit kanë shkuar në vesh të shurdhër, masat kanë qenë të pamjaftueshme.

Imazhi që kemi ndërtuar për ta kthyer në një vend turistik Shqipërinë, e prishi mungesa e seriozitetit nga kompania.Për të disatën  herë keqbërës hyjnë në aeroport dhe thyejnë sigurinë. Çfarë kushtesh ka plotësuar kompania?

I vetmi investim që kompania ka përzemër janë parkingjet. Cilat kushte ka përmbushur konçensionari kinez? Ne kemi patur dialog. Ju keni cënuar sigurinë, keni prishur imazhin.Tani boll më.”