Lidhur me grabitjen spektakolare të ndodhur në aeroportin e Rinasit pak ditë më parë, për të hedhur dritë mbi faktin se mbi kë bie përgjegjësia për nivelin e dobët të sigurisë, në një intervistë për Fax News ka folur eksperti i aviacionit civil, Dritan Goxhaj.
Sipas Goxhaj, problematikat me sigurinë në aeroportin e Rinasit nuk janë ndonjë gjë e re e pazbuluar më parë. Ai shprehet se, niveli i dobët i sigurisë është identifikuar nga Agjensia Europiane pas një auditimi të bërë në 2015.
I pyetur për përgjegjësinë, Goxhaj tha se: “ Përgjegjësia bie mbi të gjitha palët, por përgjegjësinë më të madhe e ka Autoriteti i Aviacionit Civil për mos marrjen e masave pavarësisht paralajmërimit pas auditit të 2015″.
Ndër të tjera Eksperti i Aviacionit Dritan Goxhaj shprehet se: “Grabitja nuk ka bërë nonjë gjë të madhe për vlerësimin e sigurisë për aeroportin e Rinasit nga Agjensia Europiane. As nuk e ka impresionuar këtë Agjensi, pasi që ky është një problem të cilin ata e kanë evidentuar gjatë një auditimi që në 2015.
Në lidhje me arsyen se pse asgjë s’ka ndryshuar nga 2015 -2019, bie mbi shtetin shqiptar. Pra përgjegjesia është e Autoritetit të Aviacionit Civil.
Kompania që bënë sigurinë në Rinas nuk është koncensionari. Koncensionari shpall tenderin dhe keto firma marrin pjesë në garë, Autoriteti është ai i cili vendos kriteret që këto duhet të plotësojnë. Në këtë rast ICPS-ja.
Koncensionari në gjithë këto vite vetëm një herë ka marrë gjobë. Niveli i ulët i sigurisë është evidentuar që me vjedhjen e parë por nuk janë marrë masa. Nuk kemi një analizë qoftë nga Autoriteti apo Ministria e Transporteve për të njoftuar institucionet për gjendjen e sigurisë në aeroport.
Kështu që përgjegjësia u bie këtyre, Autoritetit të Aviacionit Civil, mirëpo pa faj nuk janë edhe Ministria e Transportit dhe koncensionari.
Ne duhet të hedhim dritë në rrugën sesi ka ndodhur një gjë e tillë, pastaj nuk mund të themi se kush janë përgjegjës për grabitjen. Këtë e vendosin më tej hetimet e Prokurorisë.”
