Nënkryetari i Partisë Demokratike Edi Paloka ka dalë në një deklaratë për shtyp lidhur me ngjarjen e Rinasit, ku u vodhën 10 milion euro.
Paloka u shpreh se qeveria nuk lufton dot krimin e organizuar pasi ai e ka sjellë në pushtet , më tej ai u shpreh se shteti ka dështuar në ruajtjen e sigurisë në vend .
Paloka u shpreh se dy kompanitë që janë përgjegjëse për ruajtjen e sigurisë së aeroportit kanë ndryshuar dy herë adresë në të njëjtën kohë,
Ai gjithashtu bëri përgjegjës kryesor avokatin e kryeministrit Rama, i cili sipas Palokës është pjesë e aksioneve të kompanisë.
“Kompania ICTS Albania dhe kompania ku avokati i Ramës kishte 25% të aksioneve janë e njëjta kompani, kanë një pronar ICTS Europë. Të dyja kompanitë janë regjistruar nga i njëjti person Panagiotis Kampouroglou. Të dyja kompanitë kanë të njëjtin administrator Aldi Molloholli, kanë të njëjtin drejtor teknik për sigurinë, kanë ndryshuar adresë në të njëjtën kohë, në vitin 2011.
Të dyja kompanitë kanë ndryshuar pronar në 2013 duke kaluar nga holandezët tek francezët, në këtë kohë avokati i Ramës bëhet me 25% të aksioneve. Këto janë fakte që e lidhin avokatinë e Edi Ramës me kompaninë që merr 2 mln euro çdo vit për sigurinë e aeroportit të Rinasit”, tha Paloka.
