Avni Ponari, administratori i Sigal Uniqa Group Austria ka reaguar lidhur me grabitjen e bërë pasditen e djeshme në aeroportin “Nënë Tereza”.
Sipas Ponarit, nga grabitja e kryer ditën e djeshme dëmtohen kompanitë e sigurimit por njëkohësisht edhe qytetarët. Gjithashtu po sipas Ponarit përgjegjësitë, shkruan Tema, do të ndahen mes aeroportit dhe kompanive Cargo Cash transport.
“Paratë janë të siguruara dhe nga kjo grabitje dëmtohen qytetarët por edhe kompanitë e sigurimit. Kompanitë siguruese botërore kanë ndezur llampën e kuqe për Shqipërinë. Ne cilësohemi si vendi me rrezikshmëri të lartë lidhur me këto problematika. E nga ana tjetër vendi është i pambuluar nga tregu i siguruar.”– është shprehur ai.
Ndërkohë që ditën e djeshme në aeroportin e Rinasit u grabitën10 milionë Euro dhe mbeti i vdekur një person, policia shoqëroi për këtë ngjarje 40 persona. Kjo është e dyta herë që në aeroport grabitet një sasi kaq e madhe lekësh. Grabitja e fundit është kryer dy vite më parë.
Discussion about this post