Pas grabitjes spektakolare që u bë gjatë ditës së djeshme në Rinas, përveç ministrit Sandër Lleshaj dhe replikave të tij me opozitën, heshtja në radhën e qeverisë ka qenë e madhe.
Mirëpo mëngjesin e sotëm ka qenë zëvendëskryeministri Erion Braçe ai që ka përgëzuar Policinë e Shtetit për aksionin e ndërmarrë, dhe ka kërkuar kapjen sa më të shpejtë të grabitësve të tjerë.
Pas kësaj thotë Braçe duhet analizim i të gjitha elementeve të sigurisë që mund të kenë çaluar, nga banka te aeroporti.
“Prioritet tani kapja e banditeve! Ndaj mbeshtetje per cdo oficer te policise te perfshire ne hetime e operacionin e panderprere ne terren!
Pas kesaj, padiskutim analize e plote e cdo elementi qe ka cenuar rende sigurine nga bankat ne aeroport, masa te forta per cdokend!”, shkruan Braçe në reagimin e tij në rrjetet sociale.
Kujtojmë se kryeministri Rama ndodhet në një vizitë në Monako, dhe derimë tani nuk ka bërë asnjë koment për këtë ngjarje të rëndë, që trondit sigurinë në vend.
Në grabitjen e djeshme mendohet se janë përfshirë më shumë se 6 persona, ndërsa mbeti i vrarë pas përplasjes me Policinë, një prej grabitësve Admir Murataj, një person me precedent penalë dhe në grabitje të tjera të shumave të konsiderueshme të parave. (Lexo ketu)
(E.K/FAXWEB.AL)
Discussion about this post