Një pikë tregtimi karburanti në Lezhë ka qenë shenjestra e radhës për grabitje. Ngjarja ka ndodhur në zonën e Dajçit, në aksin rrugor Lezhë-Shkodër, ku mësohet se roja i pikës së karburantit është dhunuar dhe është lënë i gjakosur nga persona ende të paidentifikuar.
Grabitja ka ndodhur gjatë orëve të natës, ku dy persona të maskuar e të armatosur janë përleshur me punonjësin Lekë Përkeçi duke arritur të grabisin më pas edhe një shumë të caktuar parash.
Për shkak të marrjes së goditjeve me sende të forta roja i karburantit është dërguar në mënyrë urgjente për të marrë ndihmën shëndetësore, ku po trajtohet nga stafi mjekësor. Uniformat blu kanë nisur menjëherë hetimin e ngjarjes, si dhe po punojnë për identifikimin dhe kapjen e autorëve.
