Është pushuar në Gjykatën e Krimeve të Rënda çështja në ngarkim të Admir Muratajt.
Në Gjykatën për Krime të Rënda, prokuroria ka paraqitur certifikatën e vdekjes së tij, e cila ka mbërritur nga Bashkia e Tropojës.
Në kqyrjen paraprake në certifikatë bie në sy deklarimi se Admir Murataj ka mbetur i vrarë me një plumb në kokë, në afërsi të syrit, i vrarë në rrugë. Ende nuk dihet se nga çfarë arme është qëlluar mbi Muratajn, pavarësisht se deklarohet se ai u vra nga Policia.
Murataj dyshohet se ishte një prej organizatorëve të dy grabitjeve të bankave në Rinas, pavarësisht se ky pretendim hidhet poshtë nga familjarët e tij.
Ata shprehen se në rast se Admiri do të ishte koka e grupit, atëherë ai nuk do të ishte vrarë. Në ditët e para të pas ngjarjes, ata hodhën akuza se Muarataj mund të jetë vrarë dhe nga shokët e tij.
(E.K/FAXWEB.AL)
