“Grammy 2018” 4 këngëtaret shqiptare që na nderuan me pamjen e tyre (FOTO)

Ceremonia e çmimeve “Grammy 2018”, u mbajt mbrëmjen e kaluar në New York. Evenimenti pati gjithë vëmendjen e mediave botërore.

Mes yjeve të ndryshëm nga e gjithë bota, Shqipërinë e nderuan 4 këngëtare te famshme.

Të veshura klas dhe në maksimumin e perfeksionit Dua Lipa, Rita Ora, Bleona Qereti dhe Bebe Rexha shkëlqyen në tapetin e kuq.

Dua Lipa kishte veshur një fustan të bardhë të dizajneres Alessandra Rich dhe në dorë mbante një trëndafil të bardhë, në përkrahje të viktimave të ngacmimeve seksuale.

Rita Ora u paraqit në një fustan të zi të Ralph Russo, me një të çarë të madhe në anën e majtë. As Rita nuk kishte harruar të vendoste trëndafilin e bardhë.

Edhe Bebe Rexha po shkëlqente, ndonëse pati ca probleme me veshjen tek gjoksi. Bebe veshi fustanin e dizajnuar për Sofia Vergara pasi asgjë nuk i përshtatej si pasojë  e përmasave të saj.

Bleona Qereti ishte ajo që na çuditi. Kësaj here u paraqit më e veshur se kurrë në një fustan të zi dantelle, nga Alex Vinash.

(F.M/Faxweb)