Në një takim me të rinjtë e Qarkut të Fierit, koordinatori i këtij qyteti Gramoz Ruçi ka thënë disa fjalë që nuk i kishim dëgjuar më përpara në diskurin e tij publik.
Si fillim ai është shprehur se bashkë me Berishën kanë qenë propagandistë të sistemit të kaluar.
“Unë e Saliu kemi qenë propagandistë në atë sistemin e parë, se unë e them çkam qenë, Saliu nuk e pranon. A thua se ka lindur pas ’90-ës; E dini ç’thoshim unë e Saliu, kur bënim format e edukimit? Pushteti thoshim, merret me grykën e pushkës, dhe mbahet me grykën e pushkës. Kështu thoshim ne; por në demokraci, miqtë e mi, i është lagur baruti pushkës”.
Por Ruçi ka shkuar edhe më tej duke u dhënë një këshillë të pazakontë të rinjve që t’i mbanin sytë mbyllur kur bëjnë dashuri, por që t’i hapin sytë për provimet dhe për të votuar.
“Unë ju thashë që nuk kam qenë ndonjë student i shkëlqyer,s’merresha me politikë. Biles do i falenderoja ata që më kanë patur student, që s’më kanë përjashtuar. Por për një gjë kam qenë i dalluar, për mbrëmjet që kishim i vetmi argëtim në atë kohë, unë kam qenë më i dalluari. Mbyllni sytë kur bëni dashuri, i hapni kur vini në provime dhe në kuti të votimit. Faleminderit shumë!”, – tha Ruçi.
(M.D/Shuplaka)
https://youtu.be/UJYGs6f802E
Discussion about this post