Kreu i grupit parlamentar të Partisë Socialiste Gramoz Ruçi, zbulon arsyen se përse u vendos të ndryshohej rendi i ditës, ku në seancën e sotme plenare ishte parashikuar të shpalleshin emrat e kandidatëve për organet e Vettingut.
“Në frymën e një transparence më të gjerë për publikun, për të krijuar një proces sa më të drejtë, dhe shanse të barabarta për të gjithë, gjykojmë që 79 aplikantëve t’i japim një kohë prej shtatë ditësh, dhe avokati i popuillit t’u kërkojë të plotësojnë të dhënat.
Gjatë kësaj kohe kanë ardhur ankimime nga prokurorë që kanë aftësi, por për çështje kohe e pamundësive të tjera nuk kanë arritur të aplikojnë. Kështu ne duam t’i japim një 7 ditësh kohë.Ky ishte qëllimi i ndryshimit të rendit të ditës. Ne gjykojmë që Avokati i Popullit të ketë pse jo 78 kandidatë, dhe jo të zgjedhë 21 për 28 vende, por të ketë sa më shumë kandidatë në mënyrë që zgjedhja të jetë sa më cilësore.”
Ky vendim u miratua nga anëtarët e parlamentit me 85 vota pro, sigurisht pa prezencën e opozitës e cila vazhdon në protestë. (D.D/Shuplaka)
