“Kontribues i medias së lirë”, mesazhi i ngushëllimit i Gramoz Ruçit për ndarjen e parakohshme të Kasem Hysenbelliut: Lamtumirë mik i shtrenjtë

Ndarja e parakohshme nga jeta e presidentit dhe themeluesit të Fax Media Neës,  Kasem Hysenbelli ka tronditur të gjithë botën e medias, bashkëpunëtorët si dhe ndjekësit e një prej mediave të pavarura në vend, ndërsa menjëherë pas lajmit të hidhur ka reaguar edhe kryetari i Kuvendit, Gramoz Ruci.

Në një mesazh ngushëllimi për nënën, bashkëshorten dhe fëmijët e Hysenbelliut, Ruci thotë se do Hysenbelliu do kujtohet gjithmonë si kontribues i medias së lirë.

“Ndaj dhimbjen me nënën, bashkëshorten dhe fëmijët e Kasëmit, në ditën më të rëndë të jetës së tyre.

Kasëm Hysenbelliun do ta kujtojmë e nderojmë përgjithmonë si një qytetar i denjë i Shqipërisë, si një kontribues mendjehapur i konsolidimit të medias së lirë, në shërbim të interesit publik e qytetar, si një sfidant i vështirësive për t’iu përkushtuar vendit, shoqërisë dhe qytetarëve. Lamtumirë, Kasem, miku ynë i shtrenjtë!”, shkruan në mesazhin e tij të ngushëllimit Kryetari i Kuvendit, z. Gramoz Ruçi.

(A.M/Faxweb.al)