Kryetari i Kuvendit, Gramoz Ruci ka zhvilluar takimin me kryeministrin e Kosovës, Avdullah Hoti. Të dy zyrtarët e lartë kanë shprehur gatishmëri për bashkëpunim strategjik dhe stabilizues për rajonin.
Fokusi i bisedës së tyre ishte dialogu me Serbinë, për të cilën, të dy ranë dakord se është gjithëpërfshirës dhe në koordinim me ShBA dhe BE. Sipas tyre duhet treguar besim ndaj partnerëve strategjik si SHBA dhe BE.
Gjatë ditës së sotme, Hoti është pritur në takime nga kryeministri Edi Rama. Pritet që në orët në vijim të zhvillojë biseda me kryetarin e Bashkisë Erion Veliaj dhe kryedemokratin Lulzim Basha.
