Pavarësisht se pa emra suprizë konfigurimi i qeverisë së re nga Rama nuk ka kaluar pa komente. Kjo edhe për shkak të disa figurave të rikonfirmuara apo për termat e përdorura në fjalimin e tij.
Për Luçiano Boçin fjalimi i Ramës ngjante me ato të mbajturat në kongreset famëkeqe të PPSH. Ai vijon më tej duke thënë se Gramoz Ruçi dhe Fatmir Xhafaj qëndrojnë si qershua mbi tortë për shkak të së shkuarës së tyre.
‘’Mjafton një kërkim në Google me fjalët çelës dhe të del pëpara një nga kongreset famëkeqe të PPSH, kur “Dulla” rendiste 10 cilësitë e komunistit, po aq sa renditi dhe ky “Tepsia”. Jo vetëm kaq. Dhe cilësitë janë po ato. Bëjeni vetë krahasimin. E njëjta retorikë. I njëjti mentalitet”, shkruan ndër të tjera Boçi.
SHKRIMI I PLOTË:
Në Asamblenë-Plenium, në fjalën e tij Rama deklaroi:
“Nëse do të rendisja 10 tiparet kryesore që duhet të ketë mandati jonë, duhet të ishte në krye
1. Besnikëria ndaj njerëzve
2. Vullneti (nënkupto disiplina) për të çuar deri në fund reformat”.
Këto ishin dy të parat.
Mjafton një kërkim në Google me fjalët çelës dhe të del pëpara një nga kongreset famëkeqe të PPSH, kur “Dulla” rendiste 10 cilësitë e komunistit, po aq sa renditi dhe ky “Tepsia”.
Jo vetëm kaq. Dhe cilësitë janë po ato.
Bëjeni vetë krahasimin.
E njëjta retorikë. I njëjti mentalitet.
Gramozi me Xhafën duken tamam “si qershi mbi tortë”.
Kjo nuk është më koincidencë!!!!!
Dy të parat ndër 10 cilësitë:
1. Anëtarët e Partisë sonë revolucionare duhet të jenë besnikë ndaj mësimeve të marksizëm-leninizmit, ndaj Partisë dhe popullit tonë……�2. Komunistët duhet të jenë të pajisur me një disiplinë të çeliktë e të ndërgjegjshme, me një vullnet të hekurt për zbatimin e vijës së Partisë, të ligjeve të shtetit, për respektimin e zakoneve të mira të popuIlit.
Deliranti foli……
(E.K/ Shuplaka)
Discussion about this post