Aksi rrugor Cërrik-Gramsh është përgjakur sërish si pasojë e një aksidenti të rëndë të ndodhur pranë fshatit Qerret.
Sipas informacioneve, 60-vjeçarja Luljeta Tarragjini ka mbetur e plagosur rëndë dhe, pasi mori ndihmën e parë në spitalin e Gramshit, u transportua me urgjencë drejt Spitalit të Traumës në Tiranë.
Gazetari Shkëlzen Henkoja raporton se ky segment rrugor është një vatër aksidentesh, ku ndër vite janë shënuar shumë ngjarje të rënda. Vetëm tre ditë më parë, në të njëjtën zonë ndodhi një tjetër aksident me një viktimë dhe dy të plagosur.
Në vendngjarje mbërritën forcat e policisë, të cilat po hetojnë për të përcaktuar shkaqet e aksidentit.
Discussion about this post