Gazetari i Fax News në Greqi, Shpëtim Zinxhiria ka bërë një deklaratë të fortë ku tha se kishte shkuar në Ambasadën shqiptare për të marrë një telefon që ia kishin thyer, ndërkohë që ambasadorja kishte thirrur policinë për ta arrestuar.
Zinxhiria tha për Fax Neës se e kishin mbajtur të mbyllur brenda ambasadës për më shumë se 20 minuta ndërkohë që sipas tij policia kishte rrethuar të gjithë zonën.
Sipas tij, pas bisedimeve policia u bind që nuk kisha shkuyar aty për të bërë ndonjë shkelje ligjore, dhe u tregua mikpritëse.
Ndërkohë ai tha gjithashtu se kishte patur edhe një bisedë telefonikë me Ministrin në detyrë për Europën dhe Punët e Jashtme i cili sipas tij e kishte falenderuar për rastet që ka denoncuar, sidomos për rastin e vjedhjes së pasaportave.
“Më mbajtën të rrethuar 20 minuta brenda ambasadës. Ambasadorja kishte thirru policinë të më arrestonte. Isha në ambasadë të merrja një telefon që më kishin thyer. Policia u bind se nuk isha në ambasadë për të bërë shkalje ligjore. Policia greke u tregua mikpritëse. Lidhur me ngjarjen më telefonoi edhe ministri i Jashtëm Gent Cakaj më falenderoj për rastet që kam denoncuar veçanërisht për pasaportët e humbura. Më tha se telefoni i tij është i hapur për çdo gjë”.
Kujtojmë se gjatë ditës së sotme, gazetari i Fax News në Greqi, Shpëtim Zinxhiria raportoi se ministri i Jashtëm i deleguar Gent Cakaj ka shkarkuar nga detyra ambasadoren shqiptare në Athinë, Ardiana Hobdari (lexo këtu).
Kjo e fundit u përfol për skandalin e humbjes së pasaportave shqiptare dhe shpërdorimin e mijëra eurove për rikonstruksione në ambasadë dhe qiranë e shtëpisë së saj shumë të shtrenjtë në Athinë.
(F.GJ/FAXWEB.AL)
