Greqia kërkon të përfitojë nga vendimi i Bashkimit Evropian për të mos hapur negociatat me Shqipërinë.
Ishte ish-ministrja e Jashtme, Dora Bakojanis ajo e cila tha për mediat greke se duhet të përfitohet nga kjo situatë duke qenë se një nga pengesat e Shqipërisë për negociatat janë edhe marrëdhëniet me fqinjët dhe zgjidhja e mosmarrëveshjeve.
Në këtë kuadër, Bakojanis u shpreh se duhet të firmoset menjëherë pakti detar, nga ku Greqia të përfitojë 12 milje.
“Greqia duhet të shfrytëzojë mundësitë që paraqiten aktualisht dhe të përpiqet të përfundojë marrëveshjet e demarkacionit të zonës ekskluzive ekonomike detare me Shqipërinë, Egjiptin dhe Italinë. Vendimi i Francës për të bllokuar perspektivën e pranimit evropian të Shqipërisë dhe Maqedonisë për momentin i jep Greqisë një mundësi shtesë për marrëdhëniet e saj me Shqipërinë.
Mendoj se me Shqipërinë mund të jepet një mesazh i qartë, politika jone tregon dobësi në këto momente. Duhet të bëhen veprime konkrete, 12 milje me Shqipërinë, 12 milje tani. Koha nuk është në avantazhin tonë”, deklaroi Dora Bakojanis.
(M. I./ Faxweb.al)
