Disa ditë më parë Kryeministri deklaroi se ishte më i pakënaquri nga qeverisja e tij, sot sekretarja për marrëdhëniet me publikun në Partinë Demokratke Grida Duma, replikon duke denoncuar faktin se farmacitë shqiptare vazhdojnë të shesin ilaçe të skaduara.
Duma shkruan, se ky shqetësim është raportuar nga shumë pacientë, pasi disa produkte farmaceutike shiten pa “bar code-t” përkatëse, që vërtetojnë çertifikimin e tyre në lidhje me skadencën.
Leponex , Amoxicilina, Enalapril dhe Atenolol janë disa nga ilaçet që shiten pa “bar cod”, sipas Dumës.
Ajo thekson se Leponex është një ilaç që përdoret për sëmundjet mendore, e madje individët që kanë nevojë për të nëse është i skaduar mund të shkaktojnë edhe tragjedi, krime sociale.
“Të afërmit e përdoruesve i janë drejtuar Ministrisë së Shëndetësisë dhe i kanë thënë që këtë ilaç farmacitë tona e kanë edhe pa “bar code”, (ndërsa bar code i cili çertifikon produktin është në çdo konfeksion patatinash në supermarket). Asnjë përgjigje nga Ministria, askush nuk ka pranuar t’i presë e t’i ballafaqojë! Ky lloj ilaçi është e pamundur të blihet jashtë vendit sepse kërkohet receta e mjekut që e njeh farmacisti jashtë Shqipërisë. E të sëmurët tonë e marrin të skaduar gjë që në këtë rast provohet që në etiketë nga mungesa e elementit të çertifikimit.”, shkruan sekretarja e Marrëdhënieve me Publikun.
Sipas Dumës, risi e skandalit është se së fundmi është hequr plotësisht vitamina D që është e domosdoshme për profilaksinë ndaj raketizmit, pra fëmijët që lindin raketikë nuk munden më të kenë as mjekim vitaminoz nga lista e rimbursimeve. Mjafton të shikohet lista e 2015 dhe lista e 2017 dhe duket qartë që mungon.
“Zot bëje realitet të ishte përrallë; por nuk është!”, shprehet Duma në njoftimin e saj.
Discussion about this post