Një grua 47-vjeçare ka çarë me mjete të mprehta gomat e disa automjeteve që ishin të parkuara në rrugën “Nikolla Jorga” në Tiranë.
Kjo ngjarje ka ndodhur një ditë më parë por akoma nuk dihen shkaqet e këtij veprimi të gruas.
Sipas njoftimit të policisë, shtetësja me iniciale D.N dyshohet se ka çarë gomat e katër mjeteve, përkatësisht “Alfa Romeo”, “Ford”, “Renault” dhe “Benz”.
Provat materiale i janë dorëzuar Prokurorisë së Rrethit Gjyqësor Tiranë, ndërkohë policia po punon për arrestimin e të dyshuarës si edhe për identifikimin e pronarëve të automjeteve.
