Një qytetare ka denoncuar zhdukjen e bashkëshortit dhe dy fëmijëve të saj. Në denoncimin e saj bërë në Policinë e Tiranës, 29-vjeçarja Eglantina Ç. ka rrëfyer se pas debateve që ka pasur më bashkëshortin, ai ka marrë fëmijët dhe është larguar.
Asnjë prej të afërmve nuk e di vendodhjen e tyre dhe nuk ka arritur të komunikojë me 44-vjeçarin që është shpallur në kërkim nga policia. Denoncimi është kryer të hënën në Komisariatin nr. 6 dhe policia ka nisur mejëherë punën për kapjen e shtetasit Ruzhdi Ç. 44 vjeç.
Ai dyshohet se në banesë ka marrë 2 fëmijët e mitur, O.Ç. dhe M.Ç, 12 e 7 vjeç, dhe është larguar.
Çifti, i cili jeton në fshatin Gërbllesh të Tiranës, ka pasur vazhdimisht debate mes tyre, gjë që e ka dëshmuar dhe denoncuesja. Ajo pretendon se veprimi i të shoqit është bërë në shenjë hakmarrjeje, pasi ajo i kishte komunikuar se do të divorcohej.
(XH.A/SHUPLAKA)
Discussion about this post