Gruaja i ikën nga shtëpia, policia i gjen të vërtetën 28-vjeçarit

Një 18-vjeçare është zhdukur dhe bashkëshorti i saj 10 vjet më i madh ka bërë një kallzim në polici për humbjen e saj. Burri në denoncimin e tij është shprehur se  gruaja e tij është larguar pak ditë më parë nga banesa. 

Burimet nga Komisariati i Policisë Nr. 4, thanë se dje, më datë 28.12.2017, shtetasi E.J 28 vjeç banues në rrugën “Njazi Meka”, ka kallëzuar se është larguar nga banesa bashkëshortja A.GJ, 18 vjeçe, banuese në Tiranë.

Policia ka bërë verifikimet e para, nga të cilat rezultoi se ajo nuk ndodhet në Shqipëri. Blutë thanë se në sistemin TIMS rezulton se e reja ka kaluar në PKK Kapshticë, me autobus. Po punohet për shoqërimin e saj. Materialet u referuan në Prokurorinë e Rrethit Gjyqësor Tiranë. (J.V/Faxweb)