Nga Renis Cerga
Do kisha pak më tepër kujdes, para se të reagoja në formë histerike për këtë videon e famshme, ku një grua paska zhdepur një gazetar.
Fillimisht desha të rikujtoja që një video e ngjashme, rezultoi të ishte komplet setup, në rastin kur një gazetare provoi të hynte në Institutin e Fizikës Bërthamore. Edhe hematomën në krah, rezultoi se ia kishte bërë kolegu.
Po le të kthehemi te video në fjalë.
Pjesa 1: Gazetari i qepet një makine. Mënyra si e bën është shumë histerike, por për këtë nuk mund të gjykohet.
Pjesa 2: Gruaja ofendon gazetarin
Pjesa 3: Gruaja i vërsulet gazetarit, i cili e ka ndërkohë bluzën të grisur (!)
Askush nuk thotë se çfarë ka ndodhur ndërmjet pjesëve. Dhe ajo çfarë ka ndodhur ndërmjet pjesëve, mund të jetë shumë e rëndësishme.
Herën tjetër duhet transmetuar video nga fillimi deri në fund, pa ndërprerje. Përndryshe ka shumë mundësi të jetë e manipuluar e gjithë ngjarja!
P.S.
Kjo nuk justifikon atë çfarë mund të ketë katranosur biznesmenia në fjalë me mbetjet spitalore. Por për këtë duhen dhe hetime profesionale.
Renis Cerga
