Është dhùnuar për 4 vjet sistematikisht nga bashkëshorti i saj. Personazh i kësaj historie të dhimbshme është 30-vjeçarja Lumturie Murataj, nënë e një djali dy vjeçar nga Dibra e Madhe e cila ka udhëtuar me kilometra për tu larguar dhùnës nga bashkëshorti.
Tani ajo bashkë me fëmijën e saj dy vjeçar jeton prej 15 ditësh në një stacion urbanash në zonën e njohur ‘Plepa’ në lagjen 13-të ku po ushqehet me atë çka kalimtarët dhe banorët e asaj zone po i japin.
Zonja Lumturie nuk pranon të flasë në prani të kamerave pasi ka frikë përsëri nga bashkëshorti i saj, i cili e dhùnonte fizikisht dhe psikologjikisht.
Djali i saj duhet të paguajë problemet e prindërve duke kaluar natën në kushte të vështira, në të ftohtë me ushqim e pa ushqim.
Një banor në atë lagje rrëfen se gruaja ka 15 ditë që flen jashtë me fëmijën e vogël. “Kjo gruaja ka dy javë që fle jashtë, ditë natë. Unë e kam shtëpinë këtu afër, e shoh çdo ditë. Kalojnë makinat që i japin për të ngrënë, për të pirë, kaq, asgjë”, tha banori duke thënë se policia kalon disa herë në ditë por nuk ka ndërmarrë asnjë veprim.
Për fat të keq, dhùna në familje vazhdon të mbetet një plagë e hapur për shoqërinë teksa shumë gra të cilat kanë duruar dhùnën në familje për hir të fëmijëve më pas janë vrárë nga bashkëshortët.(Faxweb.al)
Discussion about this post