37-vjeçarja Enkelejd Ahmetaj, e cila kërcënoi pë rreth 30 minuta se do të hidhej nga pallati, ka zbritur së fundmi pasi ka negociuar me policinë, duke i dhënë fund ankthit.
Rreth orës 10:00 të paradites së sotme, ajo hypi në katin e fundit të një pallati tek “Tirana e Re”, që ndodhet në një kompleks pallatesh në ndërtim të zonës.
Nga informacionet e para u fol se shkak i këtij veprimi të shtetases të identifikuar si Enkeljeda Ahmetaj është bërë një konflikt për pronën mes pronarit dhe ndërtuesit të kompleksit.
Zjarrfikëset dhe policia shkuan menjëherë në vendngjarje, ku nisën negociatat me gruan për të zbritur.
“Kemi një problem me pronarin e pallatit. Ne jemi pronarët e tokës. Jemi ankuar në polici, prokurori, gjkithandej. Dhe askush nuk ka marrë një masë. Policia na ka shoqëruar dhe na kanë bërë presion dhe lloj lloj gjërash. Ne jemi pronarët e tokës me certifikatë, me noteri, me të gjitha. Asnjë nuk ka marrë masat e nevojshme.”, është shprehur vëllai i shtetases Ahmetaj. (XH.A/SHUPLAKA)
(Gruaja që po tenton vetëvrasjen)
(Vëllai i Enkeljeda Ahmetaj, Ardi Ahmetaj)
(Njërës prej motrave i bie të fikët)
