Zëdhënësi i BDI-së Bujar Osmani, përgënjeshtroi lajmin se BDI e Ali Ahmetit dhe VMRO-DPMNE e Nikolla Gruevskit kanë arritur një marrëveshje për krijimin e qeverisë së re.
Ndërkohë që kanë ngelur vetëm 5 orë nga skadimi i mandatit të tij, Gruevski është parë në dritaren e zyrës së tij në selinë e VMRO-DPMNE-së në Shkup, ku po pret nëse “haberi” nga Reçica e Vogël do t’i vijë para mesnate.
“Tetova Sot” shkruan se Gruevski pritet të të mbledhë në një takim partitë e tjera që janë pjesë e koalicionit me VMRO-DPMNE-në. Madje jozyrtarisht mëson se kjo parti pritet të mbajë edhe një konferencë shtypi ku do të shpallë zyrtarisht vazhdimin e koalicionimit me BDI-në e Ali Ahmetit.
Megjithatë bisedimet ende vazhdojnë në nga takimi i kryesisë qendrore të BDI në Reçicë.
“Jemi ende duke i analizuar pikat për të cilat debatojmë që dje. Do t’i analizojmë të gjitha me qëllim që të sjellim një vendim konstruktiv”, deklaroi pak orë më parë Ahmeti. (D.D/Shuplaka)
