Gruevski shpall të “vdekur” ambasadorët në Maqedoni, fotot hit në internet (FOTO)

Pas zgjedhjeve të 11 Dhjetorit në Maqedoni ka nisur një fushatë kundër ambasadorëve të huaj të akredituar në Shkup.

Të shtunën, ish-kryeministri i Maqedonisë dshe kreu i VMRO-DPMNE, Nikolla Gruevski u shpreh  se ambasadorët e BE-së dhe SHBA-ve janë duke ndikuar në Komisionin Shtetëror Zgjedhor për të ndryshuar rezultatin e zgjedhjeve.

Nga ana tjetër, aktivistë, funksionarë dhe militantë të partisë së tij kanë publikuar një album me fotografi  ku shihen portretet e ambasadorëve me shirit të kuq, që simbolizon “vdekjen” e tyre.

Maqedonia vijon të mbetet pa qeveri që pas zgjedhjeve të 11 dhjetorit. VMRO-DPMNE doli parti e parë në votime, por nuk e ka shumicën për të krijuar qeverinë, ndërsa LSDM ka ankimuar rezultatin dhe kërkon një mandat më tepër. (A.R/SHUPLAKA)