Lideri i partisë VMRO-DPMNE, Nikola Gruevski skandalizon me deklaratat e tij nacionaliste.
Një ditë më parë, ai u kërkoi maqedonasve në Manastir që të votojnë koalicionin e tij, me qëllim që të sigurojnë 63 deputetë , përndryshe partitë shqiptare do të kërkojnë postin e kryeministrit.
“ Më 11 dhjetor çdokush që dëshiron të përfundojë kjo krizë dhe kërkon qeveri stabël, duhet të dalë dhe t’I japë mbështetje koalicionit tonë me fitoren e 63 deputetëve. Ka edhe një arsye tjetër, dhe kjo është se BDI thotë se nëse VMRO nuk ka deputetët e mjaftueshëm, atëhere për t’u krijuar qeveria kusht do të jetë që propozimi për kryeministër të jetë nga BDI dhe PDSH. Prandaj shumë nuk duan që VMRO të fitojë 63 deputetë, por megjithatë është e nevojshme votimi masonik për fitoren e VMRO-DPMNE.”, u shpreh Gruevski.
Deklaratat jo shumë të zgjuara nga ana e Kryeministrit pritet të sjellin pakënaqësi tek shqiptarët e Maqedonisë, të cilët pas kësaj me shumë mundësi do të votojnë kundër partisë së tij në zgjedhjet e ardhshme.
