Dy vëllezër janë shpallur në kërkim lidhur me dhunimin një ditë më parë t ëish-deputetit socialist Agustin Marku. Ata janë identifikuar si Klajdi dhe Samuel Ndoka, lindur më 1995 dhe 1998, të dy banues në Lezhë, me arsim 12 klasë.
Flitet se bëhet fjalë për nipat e ish-deputetit socialist Arben Ndoka, i cili la mandatin e deputetit pasi u dënua në shtetin italian.
Dhunimi i ish-deputetit, nënkryetar i Qarkut të Lezhës ndodhi në prën 13:30 të ditës së djeshme, në lagjen “Skenderbeg” të qytetit. Agustin Marku ishte duke dalë nga ambientet e një lokali kur u sulmua me grushta e shqelma nga dy të rinjtë që janë shpallur në kërkim nga policia.
Pak më parë gjatë ditës së sotme, burime të policisë lokale bënë të ditur se Agustin Marku ndodhet jashtë rrezikut për jetën. (XH.A/SHUPLAKA)
Discussion about this post