Me grushtat e triumfit ngritur, kreu i bashkisë së Tiranës Erion Veliaj duket shumë i lumtur për vizitorin e rradhës që ka pasur në zyrën e tij. Nuk është as më pak dhe as më shumë se homologu i tij kosovar, i komunës së Prishtinës, Shpend Ahmeti.
Mes të tjerave Veliaj na zbulon dhe një detaj që nuk e kishim ditur më parë për ta, Ahmeti dhe Veliaj janë rritur bashkë. Kështu të paktën thotë vetë Veliaj.
“Mirë se erdhe në shtëpine tënde! Unë e Shpend Ahmeti jemi rrit bashkë! Nuk ka gëzim më të madh se ta kemi po bashkë privilegjin e përgjegjësinë e madhe për t’i drejtuar dy kryeqendrat shqiptare, Bashkia Tiranë dhe Komuna e Prishtinës, drejt modernizimit”, shkruan mes të tjerash Kreu i Bashkisë së Tiranës Erion Veliaj.
Po ka një detaj te fotot që Veliaj ka postuar që tregon dhe njëherë tjetër faktin se fotot nuk janë bërë sot. Të gjithë ne që jemi në Tiranë e shohim që koha sot është mjaft e zymtë, ndërsa fotot e Veliajt janë bërë në një ditë me diell.
Ç’rëndësi ka kjo në fund të fundit, e rëndësishme është projektet që me gjasa do të kenë së bashku dy kryeqendrat e shqiptarisë.
(E.K/FAXWEB)
Discussion about this post