Ditën e sotme në ambjentet e Brendshme të Bashkisë së Dibrës ka pasur përplasje fizike mes punonjësve, ndërsa një pjesë e tyre janë shoqëruar nga Policia.
Mes tyre dhe kryebashkiakun Muharrem Rama. Në një lidhje telefonike për ‘’Fax News” nënkryetari i Bashkisë Dibër, Olti Cani shprehet se Muharrem Rama nuk ka zbatuar marrëveshjen e arritur para zgjedhjeve. Sipas tij drejtori i Burimeve njerëzore Drini Mataj, ka shkarkuar punonjës të PDIU-së.
Mataj është nga Tepelena me orgjinë dhe kjo duket se është e pakapërcyeshme për Canin. Sipas tij në Bashkinë e Dibrës, drejtori i ri është sjellë nga njerëz të lidhur me krimin.
“Me ishim mbështetja kryesore e Muharrem Ramës, kur të gjithë e lanë në baltë. Ne jemi mbështeja kryesore e kryetarit aktual, është konfirmuar me votat tona, po e theksoj me votat tona.
Kanë fituar me 10 mijë vota plus. Ne kemi pasur një marrëveshje me të, po pas fitores Muharremi u deh nga fitorja. Jemi 10 mijë votues dhe kemi kërkuar takim me kreun e Bashkisë, njerëzit kërkuan sqarim për Muharrem Ramën. Unë kam qenë në zyrë se drejtori i ri që kishte ardhur merrte mungesat.
Ky ka sharë njërin nga ne, ka thënë ‘’që unë kam ardhur që t’iu bëj dibranëve, pika, pika”. E po të vij një njeri nga Tepelena dhe të na ofendojë ne këtu në Dibër. Unë nuk jam në kërkim, pasi fola me drejtorin e Policisë dhe jam i gatshëm që të dëshmoj për gjithçka.
Unë ju bëj thirrje organeve të hetimit që të vijnë të shohin se çfarë ndodh në Bashki, se lamë nam po dalim dy herë në ditë te ‘’Stopi”. Vjen ai nga Tepelena, me shumë mundësi është një nga njerëzit e ish-ministrit Saimir Tahiri”, u shpreh Cani.
Për më shumë ndiqni videon:
(E.K/FAXWEB)
