Presidenti Meta vijon të jetë aktiv me postimet e tij kundër kreut të KED-së Ardian Dvorani, ndaj të cilit ka firmosur një shtesë në kallëzimin për shpërdorim detyre.
Meta shprehet se të gjithë personat e implikuar në grushtin e shtetit do të përballen me përgjegjësitë përpara ligjit.
Meta shkruan se i ka çuar SPAK-ut prova të reja mbi shkeljet e Dvoranit.
Postimi i Metës:
Të dashur qytetarë,
Pasi u njoha me provat e reja tronditëse të angazhimit të tij në grushtin e shtetit, sapo kam firmosur shtesën në kallëzimin penal ndaj z.Ardian Dvorani.
Fakte të reja pritet të dalin në dritë edhe për persona të tjerë të implikuar në grushtin e shtetit, të cilët nuk do munden t’i shmangen përgjegjësisë për konsumimin e veprave të rënda penale.
Ju garantoj se GRUSHTI I SHTETIT DO SHPARTALLOHET NË MËNYRËN MË SHEMBULLORE!
Gjatë ditës së sotme presidenca ka folur dhe për mundësinë e shpërndarjes së Parlamentit, duke thënë se do ti përgjigjet në të gjitha rastet vullnetit të qytetarëve.
Presidenti Meta gjatë ditës së djeshme në një konferencë të dhënë për mediat, u shpreh se Kuvendi u tall me Komisionin e Venecias, të cilit edhe pse i kishte kërkuar opinion për emërimet në Kushtetuese, nuk priti një vendim, por kaloi dy projektligje, që synojnë heqjen e kompetencave të kreut të shtetit në betimin e gjyqtarëve.
(E.K/Faxweb.al)
