Guterres apel për armëpushim dhe akses humanitar në Gaza

Sekretari i Përgjithshëm i Kombeve të Bashkuara, António Guterres, ka bërë thirrje urgjente për një armëpushim të menjëhershëm midis Izraelit dhe Hamasit, ndërsa situata humanitare në Rripin e Gazës po përshkallëzohet në mënyrë alarmante.

“Kriza në Gaza ka arritur përmasa të tmerrshme,” deklaroi Guterres, duke shtuar se edhe pse armëpushimi i fundit mes Izraelit dhe Iranit ofron një fije shprese, banorët palestinezë po vriten ndërsa përpiqen të sigurojnë ushqim për familjet e tyre.

Sipas OKB-së, të paktën 410 palestinezë janë vrarë që nga fundi i majit në afërsi të këtyre pikave të ndihmës të GHF-së. Organizata Botërore paralajmëron se operacionet që drejtojnë civilët drejt zonave të militarizuara përbëjnë rrezik serioz për jetën dhe janë të papranueshme.

GHF u krijua nga Izraeli pas një bllokade totale disa-javore të Gazës, me qëllim që të anashkalonte shpërndarjen e ndihmave nga OKB-ja dhe organizatat ndërkombëtare, të cilat Izraeli i akuzon se po lejojnë Hamasin të përvetësojë ndihmat humanitare. Hamasi, nga ana e tij, i ka mohuar kategorikisht këto akuza.

Armëpushim i menjëhershëm dhe i qëndrueshëm,

Lirimi pa kushte i të gjitha pengjeve,

Akses i plotë dhe i papenguar humanitar në të gjithë territorin e Gazës.

“Ndihma humanitare nuk mund të jetë pjesë e një strategjie ushtarake,” përfundoi Guterres, duke i bërë thirrje të gjitha palëve që të vendosin jetën e civilëve mbi interesat politike apo ushtarake.