Edhe pse portieri shqiptar i Lazios, Strakosha, mori lëvdata nga mediat më të mëdha italiane, portalet dhe gazetat sportive, për paraqitjen e mirë në finalen e Superkupës së Italisë ndaj Juventusit, ku Lazio mposhti ekipin bardhezi me rezultatin 2-3 duke fituar trofeun, për ish-trajnerin e Milanit ai nuk ka ndonjë meritë.
Alberto Zakeroni ishte zgjedhur nga “Rai Uno” si analist i ndeshjes, por nuk u tregua aspak korrekt, sepse në minutat e para nuk e vlerësoi shqiptarin për ndërhyrjet vendimtare që bëri për të shpëtuar portën.
“Lëvizje shumë e bukur e Kuadrados dhe aksion interesant i Juventusit. Rast i shkëlqyer për bardhezinjtë”, tha Zakeroni, duke harruar që ai rast u mbyll me saktësi dhe përpikëri nga portieri Strakosha.
Ai nuk e përmendi në asnjë çast portierin Strakosha. (B.H/Shuplaka)
