Pas akuzave të ish-kryeministrit Sali Berisha ndaj qeverisë, se i ka lënë të pashpresë qytetarët që po detyrohen të largohen jashtë vendit, ka replikuar menjëherë Ministri i Brendshëm Saimir Tahiri, i cili habiti teksa falenderoi kreun e PD-së Lulzim Basha për vizitën që i bëri sot në spital policit të plagosur në Lezhë.
“Sot, dua ta falënderoj Bashën dhe s’e kam me ironi. Sepse në emër të PD, shkoi në Spitalin Ushtarak, pa një efektiv policie në krye të detyrës dhe dha mbështetjen e tij. Shyqyr Zotit erdhi dita që ju falënderuat Policinë e Shtetit. Se deri tani i keni quajtur Çunat e Sajës, Çunat e Krimit. Ndajeni mendjen çfarë do thoni. Por falënderoj Bashën që e kuptoi që policia është e denjë”, u shpreh Tahiri.
Kreu i PD-së, Lulzim Basha, vizitoi sot në Spitalin e Traumës efektivin e Policisë Nikolin Gjergji, i plagosur në krye të detyrës gjatë një aksioni për ndalimin e autorët e një grabitjeje te ‘’Kryqëzimi i Arbërisë’’ në autostradën e ”Rrugës së Kombit”. (A.R/SHUPLAKA)
Discussion about this post