Presidenti i ri i Serbisë, Aleksandar Vuçiç, ka habitur me deklaratën e fundit të tij, bërë gjatë një interviste për “Radio Evropa e Lirë”. Ai u shpreh se ka ardhur koha për t’u biseduar guximshëm për Kushtetutën e Serbisë dhe Kosovën.
Ai u shpreh konkretisht se gjërat duhen vënë në rrafsh dhe nivel racional dhe në këtë mënyrë të bisedohet.
Lidhur me këtë deklaratë të tij, për të cilën u shpreh se mund të cilësohet “tradhtar”, Vuçiç u shpreh se e thotë për shkak se brengoset për të ardhmen e Serbisë.
“Unë mendoj ta hap këtë diskutim guximshëm, pavarësisht se e di që përsëri disa do të ma tundin tabelën “tradhtar” dhe ashtu-kështu të fshihen nga shikimi i vajzës dhe birit tim, sepse nuk e kanë të këndshme t’i shikojnë në sy, derisa mbajnë marri të tilla në duar.
Këtë e them pikërisht për shkak se brengosem për të ardhmen e Serbisë.
Një temë është edhe ndryshimet kushtetuese. Të flasim për këtë. Unë dëshiroj të hap dialog shoqëror që do të zgjasë tre muaj, gjashtë muaj. Për njërën dhe temën tjetër, edhe për Kushtetutën, edhe për raportin tonë ndaj Kosovës, por nëse doni edhe për raportin tonë ndaj gjithë rajonit dhe kështu me radhë.”, u shpreh ndër të tjera Vuçiç.
(XH.A/SHUPLAKA)
