Ish-trajneri Astrit Hafizi reagon ashpër kundër deklaratave të trajnerit të kombëtares Xhani De Biazi, pas përfundimit të ndeshjes Shqipëri-Bosnjë Hercegovinë.
Siç ka bërë edhe pas disfatës me Italinë, Hafizi e ka kritikuar trajnerin se nuk duhej të deklaronte se duhej të kishin fituar, por të kishte pranuar gabimet në fushë.
Astrit Hafizi tregohet sërish i ashpër me Xhani De Biazin. Ashtu si pas disfatës me Italinë, i ftuar në studion e “Supersport” ish-trajneri i Kombëtares ka kritikuar teknikun aktual për deklaratat e bëra në përfundim të miqësores së humbur ndaj Bosnjë-Hercegovinës.
“Mua më duket se De Biazi na bën për budallenj. Si mund të thuash që sot duhet të fitonim? Ata që kanë sy e dinë që vetëm ne nuk duhet ta fitonim këtë ndeshje. Ose ne nuk marrim vesh nga futbolli, ose ai është shumë më lart se ne me ide. Pse, Bosnja nuk kishte mungesa? I mungonin pesë futbollistë.
Shumë mirë mund ta justifikonte humbjen dhe askush nuk do ta kritikonte pse u mund sot në miqësore. Mund t’i arsyetonte edhe humbjet e mëparshme, që kanë ardhur për një arsye apo për një tjetër, por jo të bënte argumente të tilla kaq të lehta”, deklaroi Hafizi. (D.D/Shuplaka)
