Hafizi nga Korça: Marrëveshja PS-PD rezistenca e fundit për të mos shembur sistemin e vjetër

Për deputeten e LIBRA-së Mimoza Hafizi një koalicion i mundshëm mes PS dhe PD-së është rezistenca e fundit që ato bëjnë deri sa ky sistem të shembet.

Duke folur me qytetarë nga Korça, Hafizi e ka cilësuar aleancancën PS-PD si një rrjedhim logjik i asaj që ka ndodhur për 27 vite me rradhë.

‘’Dy partitë e mëdha nuk kanë diference mes tyre, por janë pamje të ndryshme të të njëjtit mentalitet politik. Tani u bë e qartë që këto parti nuk përfaqesojnë shqiptarët,por klane të caktuara interesash.

PD dhe PS u bënë bashkë për të krijuar monopolin politik dhe për të përfaqesuar klanet dhe interesat e tyre personale. Kjo është rezistenca e fundit. Me votën e shqiptarëve,ky sistem do të shembet dhe këto parti do të dalin nga skena politike.

 Libra është alternativa që u krijua si refuzim i sistemit të vjetër dhe të kalbur politik,që është bërë bashkë në koalicionin e tepsisë. Libra është forca morale dhe ne kërkojmë votën morale të korçarëve dhe shqiptarëve, për ta ndryshuar këtë sistem që ne e kemi denoncuar me kurajo dhe guxim’’, u shpreh Hafizi. (E.K/SHUPLAKA)