Johannes Hann ka reaguar ndaj situatës politike në vendin tonë. Prej ditësh opozita ka nisur një protestë dhe ka deklaruar se do të bojkotojë parlamentin derisa të garantohen zgjedhjet e lira. Demokratët kërkojnë edhe qeveri teknike.
Sipas Hahn debati politik të zhvillohet brenda, jo jashtë Parlamentit dhe për bojkotin e parlamentit nga opozita është shprehur se ndjen keqardhje.
“Më vjen keq për bojkotin parlamentar të shpallur nga opozita. Debati politik nuk duhet të bëhet jashtë, por brenda Parlamentit. Bashkëpunimi me qeverisë dhe opozitës është vendimtar për synimet e vendit për t’u anëtarësuar në Bashkimin Evropian. Është veçanërisht e një rëndësie të madhe që jeta parlamentare të vijojë në një kohë kur reforma thelbësore janë në axhendën e parlamentit, siç është ngritja e institucioneve të vettingut në kuadër të reformës në drejtësi, përfshirë edhe rekomandimet e misionit të OSBE/ODIHR të cilat janë thelbësore për të garantuar zgjedhje të lira dhe të ndershme këtë vit. Këto reforma janë të rëndësishme për Shqipërinë që të vijojë rrugën e saj të integrimit në BE”- ka thënë Hahn”, shkruan Hahn. (J.V/Shuplaka)
