Ballkani Perëndimor pavarësisht përparimeve që po bëhen vijon të jetë një dhimbje koke për Europën. Kjo sa për problemet që ka secili prej shteteve në rrugën integruese dhe nga ana tjetër dhe për faktin se herë pas here përmendet frika nga ndikimi rus.
Jo pak herë këtë shqetësim e ka shprehur dhe kryemninistri ynë Edi Rama dhe në dekaratat e tij për mediat ndërkombëtar. Po mes duket në këtë ide të tijën i është bashkuar edhe komisioneri Johannes Hahn.
Gjatë një fjale të mbajtur në Universitetin “Princeton” është ndalur tek sfida me të cilat përballet sot Bashkimi Europian, si dhe në situatën në Ballkan.
Hahn ka pranuar luhatjen e disa vendeve mes Bashkimit Europian dhe Rusisë, referuar këtu veçanërisht serbëve të cilët mendojnë se Rusia është investuesi më i madh në Serbi, edhe pse Austria ka investuar katër herë më shumë.
“Nëse tolerojmë ne kujdesin ndaj Ballkanit, dikush tjetër mund të imponohet dhe ky dikushi tashmë është duke bërë përpjekje. Bashkimi Europian është opsioni më i mirë, por që të gjithë duhet të jenë të gatshëm për të “luajtur”, u shpreh ai, siç raporton “European Western Balkans”.
“Bashkimi europian është loja më e mirë, po përsëri ne të gjithë duhet të jemi gati për të luajtur, duke përdorur forcën tonë dhe atraksionin. Graviteti i Europës duhet të jetë forcë e natyrës, por kjo të përçohet me inteligjencë”, tha komisioneri Hahn. (E.K/SHUPLAKA)
