Komisioneri për Zgjerim në Bashkimin Europian, Johannes Hahn, ka paralajmëruar Shkupin zyrtar që të marrë masa për krijimin urgjent të qeverisë së re të Maqedonisë.
“Nevojitet urgjentisht krijimi i qeverisë. Nuk ka kohë për t’u humbur. Rruga europiane e Shkupit është e hapur, por alarmi po bie. Nevojiten aftësi politike në vend të taktikave.”, shkruan ndër të tjera Hahn.
Këto komente në llogarinë e tij në “Twitter”, ai i bëri pas një takimi që zhvilloi me partitë politike maqedonase.
Prej disa muajsh, Maqedonia është përfshirë në një krizë politike për shkak të mungesës së konsensusit mes palëve për krijimin e qeverisë së re.
(XH.A/SHUPLAKA)
