Myslim Murrizi ka sqaruar arsyet pse grupi parlamentar demokrat ka vendosur për zëvendësimin e Rudina Hajdarit si bashkëkryetare e Komisionit Parlamentar të Reformës Zgjedhore me emrin e tij.
Ai tha se Rudina Hajdari ka votuar njësj si Damian Gjiknuri ndërsa theksoi se nuk është shkarkim, por zëvendësim ndërsa votimi do të kërkohet për seancën e radhës.
“Ne kemi kërkuar të zëvendësohet, kanë qenë dakord 8 deputetë të grupit parlamentar, por kemi mbështetje edhe të 2 grupeve parlamentare të tjera dhe deputetë të pavarur, besoj se të enjten tjetër do të kemi votim në seancë, nuk besoj se çfarë na takon ne si opozitë ta vendosi pozita.
Në vend të Hajdarit të caktohet Myslim Murrizi. Të mos drejtohet ky komision nga dy bashkëkryetarë që kanë të njëjtin mendim, kanë firmosur të mos ndryshohet Kodi Zgjedhor i 2008 të dy njësoj, si Hajdari si Gjiknuri. Nuk besoj se zëvendësimi është problemi më i madh i shqiptarëve, por ndryshimi i sistemit dhe votimi për deputetët që ata duan.”, tha Murrizi
Deputeti ka deklaruar po ashtu se 29 deputetë të opozitës parlamentare kanë firmosur një kërkesë bnndaj Kuvendit të Shqipërisë për ndryshimet Kushtetuese në nenet që parashikojnë hapjen e listave dhe përcaktimin e zonave zgjedhore.
Ai tha se kërkesa e deputetëve të opozitës nuk ka ndryshuar në asnjë pikë të saj ndërkohë theksoi se shqiptarët duhet të votojnë të preferuarit e tyre jo të kryetarëve të partive. Ai tha se kërkesa e deputetëve të opozitës nuk ka ndryshuar në asnjë pikë të saj ndërkohë theksoi se shqiptarët duhet të votojnë të preferuarit e tyre jo të kryetarëve të partive (lexo lajmin).
(F.GJ/FAXWEB.AL)
Discussion about this post