Gjatë fjalës së saj në Parlament, Rudina Hajdari ka thënë se Saimir Tahiri është viktimë e një sistemi të degraduar, duke shtuar se duhet t’i hiqej imuniteti dhe të merrej me drejtësinë.
Ajo tha se ‘fati’ i tij nuk duhet të varet nga portalet apo dora e një deputeti, ndërsa u shpreh se nuk po sulmon Tahrin, pasi ai është viktimë e një sistemi të degraduar.
Hajdari tha se trafiku I drogës po shkatërron shoqërinë sëhqiptare, ndërkohë që vendi ynë ka një imazh shumë të keq jashtë.
FJALA E PLOTË:
Te dashur qytetare,
Duke marrë parasysh rrjedhojën e ngjarjeve të javëve të kaluara, dhe pronocimet e forta te nderkombetarve kete jave, nuk mund ta trajtojme kete seance si nje seance normale. Mundesine per te folur sot nuk mund të them se e pres me plot krenari. Por eshtë një mundësi për të folur, që po e shfrytëzoj jo nga dëshira, por për shkak se duhen thënë ca gjëra për të cilat të gjithë shqiptarët e ndershëm kërkojnë që të thuhen hapur.
E kam then edhe do ta them se e konsideroj një privilegj të flasë në këtë sallë. E konsideroj një privilegj të jetosh në demokraci. Është detyra ime kushtetuese dhe nje përgjegjësi e imja për t’ju shtruar një pyetje – e cila po mundon sot të gjithë shqiptarët. Në ç’derexhe janë katandisur sot politikanët tanë?
Nuk dua t’i hyj me themel rrethanave mbi skandalin ndërkombëtare të Sajmir Tahirit. Por, nese mund të jap opinionin tim mbi këto rrethana dhe le te supozojme se ky opinion po thuhet ne nje kuvend ‘demokratik’. Mendoj se Sajmir Tahirit duhet ti hiqej imuniteti plotesisht, ai duhet të përballej me gjykaten. Historia e tij nuk mbaron sot por rrethanat janë për t’u gjykuar nga gjykata.
Kjo është detyra e saj dhe mos ta le fatin e tij ne dore te portaleve te lajmeve apo depateve televizive, madje as ne dore te ndonjë deputeti. Vetëm gjykata, ka te drejte! Te pakten kështu thotë Kushtetatuta
Çështja Tahiri është çështje e Tahirit. Nëse pandeh se mund ta fitojë, le te shkoj ne gjykate, edhe t’na tregoj aty te verteten.
Por, unë nuk mund të harxhoj frymën duke bërë denoncime dhe ta trajtoj sallen e Parlamentit si salle kafeje apo debati televizive.
Ne jemi këtu për të ofruar një zgjidhje- një zgjidhje demokratike qe kerkon qe asnje te mos veproje mbi ligjin. Mund të më quani ç’të doni, por te jemi te qarte se askush nga ne nuk mund të sjellë ndryshime për shqiptarët duke shfrytëzuar podiumin për të rritur popullaritetin e vetes. Unë nuk i nënshtrohem kesaj lloj taktike, por i nënshtrohem ndërgjegjes sime dhe moralit si qenie njerëzor, dhe thirrja ime është e thjeshtë. Duhet të ndryshojmë.
Nuk është krenari për mua të shohë reputacionin e vendit tim të denigrojë dita ditës nga qeveria si pasojë e narko-trafikut, që e ka shndërruar Shqipërinë në burim dhe autostradë për trafikun ndërkombëtar të drogës.
Nuk është krenari për mua që qeveritë dhe agjencitë e huaja e shikojnë një qytetar shqiptar si një narko-trafikant apo kriminel në vend të shohin ate si një qytetari evropian.
Ne nuk jemi një shtet kriminelësh, por veprimet e qeverisë shqiptare kanë krijuar shqetësime të mëdha tek vendet fqinje. Në Britani, 1 në 50 shqiptarë ka qenë në burg. Nga i gjithë Ballkani, shqiptarët janë dy herë më shumë më të kërkuar nga EUROPOL-i sesa shtetasit e vendeve të tjera.
Unë nuk i gjykoj këta shtetas shqiptar. Nuk gjykojë asnjërin sepse nuk më takon mua tagri për një gjykim të tillë. Por, unë gjykoj këtë qeverisje për shkatërrimin që po i sjell Shqipërisë.
Jashtë vendit, shqiptarët nuk shtyhen nga instinkti për të vrarë, vjedhur dhe trafikuar drogë. Shqiptarët jetojnë në një vend ku mundësitë për të jetuar, punuar dhe ndërtuar një familje janë më të pakta se në vendet e tjera.
Shqiptarët shtyhen nga varfëria endemike e cila na ka bërë të krahasueshëm me shtetet e varfera te Afrikës.
Kjo qeveri ka dështuar t’u japë shqiptarëve atë që meritojnë. Ka dështuar t’u plotësojë nevojat.
Kur njerëzit nuk kanë ç’ti ofrojnë fëmijëve të tyre, motrave, vëllezërve dhe nënave të tyre, ata mund të bëjnë gjëra të cilat sigurisht nuk i konsiderojnë të drejta. Por, të qarat e një fëmije për buke e kapërcejnë kufirin e moralit të një prindi.
Në Shqipëri ka shumë familje ku 15 vetë rrojnë me punën e një të afërmi jashtë vendi. Por, kush jam unë që të gjykoj dike me aktivitet të jashtëligjshëm jashtë vendit – kur puna ime si politikane eshte që t’i ofrojë këtij personi një punë dhe rrogë?”
Çfarë është kjo qeveri që po i dërrmon shqiptarët me faturat statosferike për drita dhe ujë të pijshëm, që i çon në burg për fatura të papaguara, kur vetë kjo qeveri nuk ka ofruar asnjë zgjidhje për këta njerëz, për t’i mundësuar një jetesë të denjë, pa shkelur ligjin?
Për më tepër, çfarë është kjo qeveri që i kritikon të gjithë, opoziten, mediat, zerin e lire, kur vetë ajo e ka mbuluar Shqipërinë me drogë, duke i rikthyer Shqipërisë imazhin e viteve 70?
Ky nuk është një fjalim për t’u mbajtur. Por është një fjalim që duhet mbajtur. Unë nuk po sulmoj Sajmir Tahirin, sepse ai eshte nje vikitime e ketij sistemi qe eshte ngritur, kur qeveritaret veprojne mbi ligjin. Sulmimi ndaj tij është një gjë e lehtë. Por, po thuash te verten, ajo nuk është e lehtë!
S’mund të flasim për trafikun e droges vetëm në mënyre statistikore apo në vlerë ne lekesh po duhet të fillojmë të kuptojmë se mbrapa këtyre skandalave fshihen njerëz, fshihen të rinje,fshihen familje që përballen me borxhe, dhunë, varfëri, vrasje dhe goditje një pas një njëshme qe vin si rezultat direkte i këtij fenomenve, që ska pas ekzistur në këto përmasa 3 vite më parë.
Historia njerëzore është historia që ne duhet të flasim sot dhe se kush i merr këto kosto. Trafikimi i drogës po shkatërron shoqërinë tonë nga poshtë lart.
Përgjegjisia per ndryshim fillon nga cdo deputet. Nëse një deputet bën një vesh të shurdhur dhe toleron këto padrejtësi atëhere është nëjsoj si të të jesh pjesë e këtij zinxhiri korrupsioni dhe trafikut te droges.
Prandaj zgjohuni, se nuk mund te fshihemi mbas imunitetit e deshires per te vepruar mbi ligjin, nuk mund te na e zgjidhin nderkombetaret te gjithe hallet tona, nderhyrja tyre, tregon se ne po deshtojme, dhe ne duhet te ndryshojme.
Ju faleminderit.
(B.H/Faxweb)
Discussion about this post