Hajdari takon ambasadoren gjermane, shpërthen kundër klasës politike: Nuk mund të rrimë duarkryq…

Deputetja e zgjedhur nga radhët e Partisë Demokratike, Rudina Hajdari, e cila nuk pranoi të bashkohej vendimit në grup të opozitës për të djegur mandatet, dhe si pasojë e të cilit u përjashtua nga PD, gjatë ditës së sotme ka zhvilluar një takim me Ambasadoren e Gjermanisë, Sussane Shutz.

Hajdari shprehet se pjesë e diskutimeve në katë takim ishte situate e vështirë dhe delikate në të cilën ndodhet sipas saj vendi aktualisht, për të cilën thotë se BE me të drejtë përgjegjshjmëri të lartë dhe integritet nga politikanët shqiptarë.

Deputetja deklaron gjithashtu se “dorëzimi në bllok i mandateve nga ana e opozitës nuk është zgjidhje ashtu siç nuk është aspak zgjidhje arroganca qeveritare”, duke shtuar se  “sjellja e politikës Shqiptare sot është modeli më i keq i mundshëm që po i ofrojmë qytetarëve Shqiptarë dhe sidomos të rinjve”, shkruan ajo në rrjetet sociale.

Statusi i plotë i Rudina Hajdarit:

Takim me Ambasadoren e Gjermanisë në Tiranë, Znj. Sussane SHÜTZ.

Diskutuam për situatën e vështirë dhe shumë delikate në të cilën ndodhet vendi dhe institucionet Shqiptare aktualisht.

Miqtë tanë Evropianë dhe Gjermanë janë tepër të shqetësuar për krizën politiko-institucionale në vend ashtu sikurse është i shqetësuar çdo qytetar Shqiptar. 
BE kërkon me të drejtë përgjegjshmëri të lartë dhe integritet nga politikanët Shqiptare, nga qeveria dhe opozita.

Është e papranushme që politika në tërësi të vazhdojë me modelin e vjetër që nuk përfaqëson aspak qytetarët Shqiptarë, aspiratat, qëllimet dhe vlerat e tyre. Dorëzimi në bllok i mandateve nga ana e opozitës nuk është zgjidhje ashtu siç nuk është aspak zgjidhje arroganca qeveritare. 
Sjellja e politikës Shqiptare sot është modeli më i keq i mundshëm që po i ofrojmë qytetarëve Shqiptarë dhe sidomos të rinjëve.

Nuk mund të rrimë duar-kryq dhe të presim që ky ngërrç i paprecedent politiko-institucional të zgjidhet vetë. Situata mund të agravojë kur aktorët nuk vlerësojnë siç duhet rrethanat. Të gjithë aktorët kanë detyrimin që të reagojnë sa më parë për të orientuar një zgjidhje politike të gjithëpranueshme për krizën e paprecedentë në cilën gjendet sot Shqipëria, për një zgjidhje që siguron në radhë të parë interesin qytetar dhe kombëtar, pa ceduar demokracinë me qëllim që të ndikojmë pozitivisht të ardhmen e Shqipërisë dhe anëtarsimin e saj në BE.

(F.GJ/FAXWEB.AL)