Deputetja demokrate Mimoza Hajdarmataj ka përkujtuar sot 26 vjetorin e Parlamentit pluralist. Duke shpërndarë shënimin e një viti më parë dhe refuzimin që i bënte atëherë pjesëmarrjes në një takim të organizuar nga kryetari i Parlamentit Meta ajo thotë se edhe këtë vit historia vazhdon.
‘’….historia vazhdon, por beteja është në rrugë të drejtë drejt fitores’’, shkruan Hajdarmataj.
Duhet thënë se kërkesat e opozitës për një parlament të dekriminalizuar vijojnë të jenë prezente ashtu si dhe një vit më parë. Madje sipas Hajdarmatajt betejat këtë herë janë në rrugën e fitores.
‘’Mungesë me arsye….Sot Kryetari i Kuvendit, Z. Ilir Meta, na kishte ftuar në pritjen e organizuar në Pallatin e Brigadave, me rastin e 25-vjetorit të parlamentit pluralist demokratik, në të cilën unë nuk mora pjesë.
Edhe pse nuk kam plotësuar ende një vit si deputete në Kuvendin e Shqipërisë, kaq ka qënë kohë e mjaftueshme dhe e nevojshme për të konkluduar(por jo vetëm unë) se ky nuk është Parlamenti që përfaqëson shqiptarët e që punon per ta.
“25 vjetori” është një jubile simbolik ku reflektimi duhet të ishte emergjencë për ndryshim, për një përfaqësim cilësor të shqiptarëve me intelektualë, me të urtët e dijes dhe jo të fortët e parave dhe krimit apo njerëz pa standarde.
Shteti fillon nga parlamenti dhe ligjet.
Ndërkohë kemi një parlament që funksionet e tij i ka katandisur tek grushtat ndaj deputetëve të Opozitës, diskriminim verbal ndaj grave deputete, apo me deputetë me pisqolle ndër duar që I përdorin kundër shqiptarëve të pa mbrojtur.
Pra më së paku, Parlamenti i sotëm nuk e kishte moralin të bënte historinë dhe vleresimin e legjislaturave të mëparshme’’, shkruante Hadarmataj një vit më parë. (E.K/SHUPLAKA)
Discussion about this post