‘Hajde ma merr në g*jë, të q*fsha…’, si la nam trajneri shqiptar në transmetim live (VIDEO)

Ditën e djeshme videoja e trajnerit të Feronikelit, Ismet Munishi i cili gjatë një transmetimi live shau dhe ofendoi tifozët, u bë virale.

Arbër Avdyli, gazetari i ‘Super Sport Kosovës’, i cili intervistoi Ismet Munishin, i kontaktuar nga ‘Insporti’ dha versionin e tij dhe disa detajet të reja rreth rastit.

“Fillimisht më duhet të them se kjo është hera e parë që po më ndodhë diçka e këtillë në karrierë dhe kam qenë në pozitë seriozisht të palakmueshme. Munishi e ka ditur që jemi live dhe reagimi i tij nuk mund të arsyetohet assesi”, pohon Avdyli për Insporti.

I pyetur se kë e ka sharë Munishi, Avdyli thotë se “ka qenë një shikues, një djalë i ri që provokonte dhe hedhte fjalë në drejtim të Munishit dhe ky e humbi kontrollin”.

Avdyli thotë se incidenti është pjesërisht pasojë edhe e natyrës së punës që gazetarët bëjnë.

“Kështu e ka puna jonë. Ne intervistojmë njerëzit live, menjëherë pas përfundimit të ndeshjes, kur ende janë gjaknxehtë. Stadiumet në Kosovë janë të tilla që lejojnë që çdokush ose ti afrohet kamerave te tribunat, ose të hyjë që të ofendojë pjesëmarrësit në ndeshje dhe incidente si ky mund të ndodhin. Kjo nuk mund të ndodhë në Evropë”, u shpreh më tej gazetari.