Kryetari i Bashkisë së Gjirokastrës, Flamur Golemi, në një lidhje të drejtpërdrejt për televizionin FaxNeës, është shprehur në lidhje me situatën e turizmit në këtë qytet. Golemi u shpreh se pandemia ka ndikuar negativisht në turizëm dhe ndryshe nga viti i kaluar ku Gjirokastra u vizitua nga 120.000 turistë të huaj, sivjet kapacitetet akomoduese kanë të zëna 30% të kapacitetit të tyre.
Kryebashkiaku i bëri thirrje shqiptarëve për një turizëm patriotik dhe të shkojnë ta vizitojnë Gjirokastrën dhe ta shijojnë atë në këto kohë kur nuk është e tejmbushur nga vizitorët e huaj.
“Patjetër që këtë sezon do të ishte piku pasi gjatë 2019 kemi patur 120.000 shtetas të huaj, në këtë situatë që jemi më vjen mirë që ka filluar lëvizja ku kapacitetet e hoteleve janë në 30% në qendër. Përmes televizionit tuaj i ftoj të gjithë shqiptarët ta shijojnë Gjirokastrën pasi vitin tjetër mos ta kenë këtë mundësi.
Për sa i përket situatës së Covid-19 ne po marrim masat tona por ka nevojë për përgjegjshmëri dhe ndërgjegjësim. Duhet zbatuar protokalli i masave por I duhet dhënë frymë edhe turizmit pasi bizneset e presin këtë muaj për të mbijetuar. Ju ftojë të gjithëve aq sa keni mundësi jo vetëm për turizëm patriotik por që ta shijoni Gjirokastrën ndaj ju pres në Gjirokastër”.- tha Golemi.
Discussion about this post