Një grup hakerash, i quajtur “OurMine”, ka mundur të hakerojë përkohësisht disa llogari të “Facebook”.
Lajmi është bërë i ditur nga vetë hakerat, të cilët njoftuan në faqet zyrtare të Facebook-ut në Twitter dhe Instagram, ku paralajmëruan se “edhe Facebook është i hakueshëm”.
Mësohet se llogaritë e hakuara janë rikthyer tani, ndërkohë grupi “OurMine” pretendon se sulmet e tyre ishin një përpjekje për të zbuluar dobësitë në internet.
Muajin e kaluar ata mundën të hakeronin një duzinë llogarish për skuadrat në Ligën Kombëtare të Futbollit në SHBA.
“Përshëndetje, ne jemi OurMine. Epo, edhe Facebook është i hakueshëm por të paktën siguria e tyre është më e mirë se Twitter” shkruhet në deklaratën e postuar në Twitter.
Ata gjithashtu hakuan llogarinë e Facebook dhe Messenger në Instagram, ku postuan foton e logos së grupit të tyre.
Tëitter konfirmoi se hakerimi ndodhi përmes një pale të tretë dhe se llogaritë u bllokuan sapo u njoftua për këtë çështje.
Hakerimi i llogarive duket se është arritur përmes platformës Khoros, e cila është një platformë marketingu që mund të përdoret nga bizneset për të menaxhuar komunikimet e tyre në mediat sociale.
Kjo platformë mund të ketë qasje në fjalëkalimet dhe detajet e logimit të klientëve të tyre.
